Nabantuan Bagu

Langue: Murut Timugon

Version Information

Projek pangaligan ra ragu Kitab Nabantuan Bagu mongoi ra ragu Murut Timugon tinalimpuunan ra bilor 1987. Pangaligan ra ragu ti minaya' ra pangaligan dinamik. Kuayan ru pangaligan ra ragu ti, kasaa' ti koson mampasaboi ra tanou ru Alkitab ra ragu ru Murut Timugon ondo' matasu' maratian, mulu' poyo am manutun toojo ra ragu ondo' raguon ra liwar ru girija. Teks kopoyo pinakai ra Naabantuan Bagu ti ioginio The Greek New Testament intor ra United Bible Societies (fourth edition revised 1994). Pangalingan ra ragu mongoi ra Murut Timugon namakai ra Alkitab Terjemahan Baru 1997, Alkitab Bahasa Indonesia Sehari-hari 1985 am Alkitab Berita Baik 1996. Pangaligan ra ragu Nabantuan Bagu ti minaya' toojo ra prisip kopoyo koson ragitio: - Pangaligan ra ragu musiti' mampakaatang ra arati' intor ra baal ru teks no - Istilah ru teologi aligin maya' ra arati' no - Istilah am ragu ra kalo maindalom (teknikal) ilion, am musiti' mampili' ra istilah am ragu ondo' maratian ru kasuangan ru ulun. Ralalom Kitab Nabantuan Bagu ti mokoondo' kuukula' peta paat ra Nabantuan Bagu, kamus am nota kaki. Gitio koson mangindangan ra mambabasa' rati makarati' ra mataki'. Gambar ondo' binatikan ti Horace Knowles pinakai ralalom Kitab ti, nga maratian toojo am niak ginuang ru mambabasa' rano. Pupus ti, Kitab ti pinasalula' koson kaatangan ru katulayan ri Kristus, Tuhan takau am gama' ru barakat Nano mampaikang poyo ra pangintapatan ru mambabasa' rati mansail ra pambasaan ra Kitab ti.

Informations concernant les copyrights

Hakcipta © Bible Society of Malaysia 1998 Copyright © Bible Society of Malaysia 1998